GIPANGDALA sa San Pedro Police Station ang duha ka mga babaye human mireklamo ang usa ka 29-anyos nga ulitawo kay human siya mibayad og P700 kanila bugti sa kalipay ibabaw sa kama, wa mahuwasan kining lalaki.
Gipangsakay sa mobile patrol 21 sa San Pedro PNP sila alyas Marjorie ug alyas Nica, uban ang reklamante nga si alyas Roger, alas 3:30 sa kaadlawon niadtong Dominggo.
Nasayran nga gipanglumpong sa lalaki ang duha ka mga babaye sud sa usa ka lodging inn sa kantidad nga P700.
Apan dihang nagsugod na sila sa ilang karansa, dali lamang nahuman ang kasikas, ug daling nanggawas ang duha ka babaye dayon gibiyaan ang lalaki sud sa inn.
Gilayong giadtoan sa lalaki ang nahimutangan sa mga babaye didto sa Tionko Avenue, Davao City ug iya kining naapsan sa dapit hinungdan nga naglalis sila.
Higayon nga miagi ang mobile patrol 21, ug gipangkarga sila padung sa presinto dos.
Gikanayon sa duha ka babaye nga ilang nahimo ang ilang sabot, apan wa malipay ang lalaki kay gusto niini nga magdugay pa sila sud sa inn.
Hinuon, nagkasinabot ra sila atubangan sa duty desk officer ug minghoy ang abaga sa lalaki nga migawas sa presinto sa kapulisan.