GIPAMATUD-AN sa Davao-Go-Duterte Eagles nga andam na sila sa sunod season sa Maharlika Pilipinas Basketball League (MPBL) human gitanggalan og titulo ang defending champion University of Sto. Tomas (UST) Growling Tigers, 94-90, sa finals sa 33rd Kadayawan Invitational Basketball Tournament sa Davao City Recreation Center niadtong Dominggo gabii.
Human mitala og 2-1 rekord sa eliminasyon, ubos ni Coach Miguel Solitaria sa Davao makalaban sa pakig-ilog titulo ang University of Athletic Association of the Philippines (Uaap) team nga napildi sila sa round-robin eliminations.
Sumala ni Solitaria nga ang kadaugan mao ang pagdawat og sistema nga ilang gihimo gikan sa pagsugod og porma sa Davao tim niadtong duha ka bulan ang milabay.
“Well, the team really embraced the kind of game that we wanted to do. I guess that made us win last night,” matud ni Solitaria, kinsa nagdayeg sa mga magduduwa alang sa ilang “relentless efforts and trust.”
Dugang niya nga si Special Assistant to the President (SAP) Christopher “Bong” Go ug SBP regional director Glenn Escandor midesisyon na nga ang tim moapil sa MPBL ug ang Kadayawan usa ka tune-up.
Ang miyembro sa Davao-Go-Duterte's langkuban sa ilang mga nanguna magduduwa apan ang Manila-based Dabawenyos mahimo sab motabang sa tim.
Samtang nagpasalamat si Solitaria kang coach Ronel Leuterio sa pagpanguna sa coaching staff ug tibuok tim.
“The championship wouldn’t be possible without him, and of course our bosses Mr. Glenn Escandor who have been very generous to us and SAP Bong Go for allowing us to represent the president and Davao City,” batbat pa niya.