BASE sa talaan sa Domestic & International Traffic Movement alang sa Septiyembre 1 -21, 2018 sa Mactan-Cebu International Airport (MCIA) ubay-ubay nga airline companies ang na-igo sa runway closure alang sa himuong runway repair.
Adunay walo ka airline companies nga adunay international flights samtang upat sa domestic ang apektado sa tungod sa ilang time of arrival ug departure nga nasulod sa 2:00 am – 8:00 am nga runway closure.
Ang apektadong airlines nga adunay international flights naglakip sa Jeju Air, China Eastern, Phils. Air Asia, Cebu Pacific, Lucky Air, Philippine Airlines, Asiana Airlines ug Jin Air.
Sa domestic flights apektado ang CebGo, Cebu Pacific, Phils. Airlines ug Phils. Air Asia.
Mi-awhag ang MCIA ngadto sa apektadong airline company nga mohimo og kausaban sa ilang flight schedules aron dili makamugna og kalibog sa ilang mga pasahero ilabi na niadtong adunay early bookings.
Sa umaabot nga adlaw adunay kausaban sa traffic movement sa mga biyahe sa tugpahanan alang sa Septiyembre 1 - 21 nga flights.
Kini sa higayon nga makaduso og bag-ong listahan ang airlines companies sa bag-ong flight schedule nga ipatuman ug aron sab mga mapahibawo og sayo ang mga apektadong pasahero. FVQ