PaDayon Pilipino hingpit na ang alyansa sa HNP

HINGPIT na ang alyansa niadtong adlaw’ng Lunes, August 13, 2018 sa kaulohan ang mga dagkong membro sa partido PaDayon Pilipino sa Cagayan de Oro ug Misamis Oriental alang sa pormal nga pagpinirmahay ngadto sa Hugpong ng Pagbabago (HNP), usa ka regional party sa Davao City ni Mayor Sara Duterte Carpio.

Anaa sa pinirmahay ang mga pamilya’ng Emano nga gilangkoban ni Cagayan de Oro Councilor Atty. Nadya Emano Elipe ug Misamis Oriental Governor Yevgeny Vincente Emano.

Makita sab nga anaa kauban sila kanhi kongresista Benjo Benaldo, Konsehal Lordan Suan, SP Member Buboy Sabal, Talisayan Mayor Rommel Maslog.

Nakig-alyansa sab sa HNP ang tulo ka mga national nga partido nga mao ang Nacionalista Party (NP), National People’s Coalition (NPC), ug National Unity Party (NUP) kini gitouhang preparasyon sa gikatakdang eleksyon sunod tuig.

Unom sab ka mga mga local parties ang nakig-alyansa lakip ang PaDayon Pilipino sa Misamis Oriental ug ang Serbisyo sa Bayan Party (SBP) gikan sa National Capital Region; Alyansa Bol-anon Alang sa Kausaban (Abaka) sa probinsya sa Bohol; Aggrupation of Party for Progress (APP) sa Zambanga del Norte; Ilocano Timpuyog o Nacionalista Party sa Ilocos Norte; ug Kambilan sa Pampanga.

Daw adunay walo ka mga senador nga i-endorso ang HNP ug bukas pa ang upat ka slots niini.

Pahayag sa chairman sa HNP nga si Mayor Sara nga ang PDP-Laban nga usa sa gilauman nga makig-alyansa sa HNP labina giulohan kini sa iyang amahan nga mao si Presidente Rodrigo Duterte ang giingong wala nalakip tungod kay daw aduna pay internal nga problema sa mga miyembro nga kinahanglan mahatagan og kasulbaran.

Kahinumdumn nga niaging bulan nahidangat dinhi sa Misamis Oriental si Mayor Sara alang sa ilang inisyal nga pagsilyo sa alyansa sa partido PaDayon Pilipino. (SVB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph