SECTIONS
Thursday, September 20, 2018
SUPERBALITA CAGAYAN DE ORO

‘Yosi no more na’

HINGPIT na nga ipatuman sa dakbayan sa Cagayan de Oro ang pagdili sa pagpanigarilyo sa mga publikong lugar karon bulan sa Oktubre ning tuig.

Nihatag ang dakbayan og kapin usa ka buwan kon 45 ka adlaw alang sa pagpahibalo sa katawhan.

Buot ni Kagawad Ma. Lourdes Gaane, chair sa Committee on Health, nga masayod ang tanan nga hingpit na nilang ipatuman ang maong balaod pagdili sa pagpanigarilyo sa mga publikong dapit ug adunay multa ang bisan kinsa nga masapon.

“Massive information drive, August 16 to September 30, so after ana October most probably ato na nang ma-implement,” pahayag ni Gaane.

Gihatagan pa usab og tukmang panahon ang membro sa Task Force aron nga suta-on pag-ayo ang lokal nga ordinansa nga ipatuman. Duna'y mga designated smoking area usab nga gitakdang ipahimutang.

Nasayran nga una na nga nagmugna og Smoke-Free Task Force ang dakbayan aron nga hugot nga mapatuman ang Executive order (EO) 26 ni President Rodrigo Duterte pag-ban sa pagpanigarilyo sa pampublikong dapit sa tibuok nasud.


VIEW COMMENTS