Editoryal: Paglingla sa publiko?

Editorial Cartoon by Ariel Itumay
Editorial Cartoon by Ariel Itumay

DILI kay sa paghatag og pabor sa usa ka habig, pero mora man og nagpasuabi ang mga buslot sa pamahayag ni Police Regional Office (PRO) 7 chief Superintendent Debold Sinas kalabot sa kamatayon ni SPO1 Frederick Balili.

Matod niya nga niadtong adlawa, Agusto 8 (Miyerkules), didto si Balili sa lungsod sa Pinamungajan kay nagpahigayon og surveillance sa usa ka inilang drug personality uban sa duha ka tinugyanan sa balaod.

Iyang gisaysay nga nakaagi kuno og hump ang gisakyan nila ni Balili, uban ni SPO1 Jonathan Buscato ug PO1 Justine Padillo sa dihang natayming usab nga maoy pagdunol sa Glock pistol ngadto ni Balili ug dinhi kalit nga nibuto ang pistola nga nakaigo sa nauwahi hinungdan sa kamatayon niini.

Sa sayo pa, si Balili maoy gitumbok ni Cebu City Mayor Tomas Osmena nga maoy hitman ni PDEA agent Von Rian Tecson kinsa gibanhigan patay didto sa Perrelos, dakbayan sa Carcar niadtong adlawa, Agusto 8, apan nabawsan kini hinungdan sa kamatayon niini.

Makapaduda kining pamahayag ni Sinas ug Tolentino ngadto sa publiko kay sa pakisusi sa pipila ka mga reporter, nasuta nga wa may hump nga makita sa mga national road sa Pinamungahan.

Pipila ka mga molupyo sa maong dapit ang mitug-an nga wala sila kadungog og dunay mga butobuto niadtong higayona samtang naminaw sila sa balita nga adunay laing PDEA agent ang gipatay didto sa siyudad sa Carcar.

Pero bisan pa man niini, wa kini magpasabot nga hingpit natong gisirhan ang pagtuo nga nagsulti sila sa tinuod.

Ug aron pagkombinsi sa publiko, nganong dili man nila ipa-autopsy ang patayng lawas ni Balili aron masusi kon bala ba sa armas niini ang mitusak sa iyang dughan.

Kini maoy paagi aron di sila madudahan nga ila lang gilingla ang publiko sa Sugbo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph