PANGLAO, BOHOL - Nakabsan sa kinabuhbi ang usa ka construction worker sa New Bohol airport human giingong natumbahan sa punoan sa lubi niadtong Sabado sa hapon didto sa Brgy. Lourdes, lungsod sa Panglao.
Giila ang biktima nga si Junar Duran, 38, minyo ug residente sa Sierra Bullones.
Nasayran usab nga empleyado ang biktima sa EEI Company nga maoy usa sa mga kontraktor sa airport.
Sa pasiunang imbestigasyon sa kapolisan, nasayran nga sa wa pa nahitabo ang insidente, nipalit kinig ice candy ug dihang pagbalik sa gitrabahoan, aksidenteng natumbahan sa punoan sa lubi duol sa konstraksyon sa airport. LRB