WA pa makapiyansa kadtong 43 ka mga dinakpan sa nahitabong pagsung sa Mactan Isla Resort and Casino, Barangay Agus, Lapu-Lapu niadtong Agusto 10 sa kadlawon tungod sa kadako sa kantidad nga gikinahanglan alang sa ilang temporaryong kagawasan.
Sa mtang usa sa mga guwardiya sa Proceed Security Agency nasuta nga wanted sa kasong murder ug frustrated murder.
Gitug-an sa hepe sa Intelligence and Detection Management Bureau (IDMB) nga si P/Supt. Eloveo Marquez, Lapu-Lapu City Police Office nga moabot sa P876,000 ang piyansa sa matag dinakpan.
Nasayran nga kasong grave coercion, grave threat, slight illegal detention ug laing kaso nga obstruction of justice ang reklamo nga gisang-at sa management sa Mactan Isla ug City Police Office ngadto sa mga dinakpan.
Nipasabot si Marquez nga niabot ngadto sa kapin sa P870,000 ang bail tungod sa nadugang nga aggravating circumstances.
Gikataho nga unang gihikay sa kampo sa Park family ug Proceed Security Agency nga makapiyansa sa kasong obstruction of justice.
Adunay inisyal nga impormasyon nga hayan adunay settlement tali sa nagbangi nga kampo sa Mactan Isla ug sa pamilyang Park ingon man ang paghangyo nga paubsan ang piyansa.
Sa samang kalambuan usa sa mga gi-hire nga guards sa Proceed nga si Omar Gallardo nipasabot nga ang iyang kaso mao lang ang serious physical injury niadto pang 2013 didto sa sa Dipolog City.
Wa masayod si Gallardo nga nahimong murder ug frustrated murder ang maong kaso nga wa niya matagad sanglit nanarbaho siya sa Sugbo. FVQ, Reyna Lopez – USJR Intern