Way hulga sa terorismo: PNP

KAPULISAN sa probinsya sa Sugbo nipahugot pa sa ilang siguridad sa habagatang bahin sa lalawigan human miluwat og travel advisory ang United Kingdom nga likayan lang una ang pagbisita sa mga lungsod sa Badian ug Dalaguete.

Ang rason sa advisory tungod sa kataas sa hulga sa terorismo nga posibling mahimo silang target sama sa mga dapit sa Mindanao nga sa ilang tan-aw nakahatag og peligro sa ilang citizen sa pagbisita niini.

Matod ni Superintendent Janette Rafter, information officer sa Cebu Provincial Police Office, nga sa pagkakaron wa silay nadawat nga direktang hulga nga mohimog pag atake ang mga terorista.

Apan wa sila mokompyansa tungod sa presensya sa mga kriminal.

Sukad pa sa nanglabay nga katuigan, nagpakatap na sila og Tourist Police, Special Weapons and Tactics, Provincial Mobile Force Company ug Philippine Army nga sakop sa Task Force Cebu.

Bisan pa sa presensya sa mga pulis ug sundawo sa mga lungsod sa Badian, Moalboal, Oslob ug Dalaguete, ilang giawhag ang publiko nga magmabinantayon.

Kon adunay kadudahang lihok sa wa mailhing mga tawo, i-report dayon sa kapulisan aron kaaksyunan.

Ang pangulo sa Task Force Cebu, Col. Noel Baluyan, niangkon nga nagpabilin nga luwas ang tibuok isla sa Sugbo sa pag-atake sa mga terorista tungod sa kadaghang sundalo ug mga pulis.

Samtang si Bise Gobernador Agnes Magpale nakugang sa advisory.

Nagtuo siyang nasayop ang advisory kay ang presensya sa giingong mga New People’s Army (NPA) giisip nga mga terorista. Apan bisan ang presensya sa mga NPA dinhi wa igdungog, matod ni Magpale. AYB, AZLG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph