NAMATAY ang usa ka 55 anyos nga lalake human gitigbas sa iyang gikalalis sa may Barangay Tabunok, dakbayan sa Talisay, alas 3:50 sa kaadlawon kagahapong adlawa.
Ang biktima giila sa kapulisan nga si Rolando Ruiz Geraldez, 55, minyo, dispatser og taxi, taga Barangay Maghanay sa samang dakbayan. Samtang ang suspek giilang mao si Robert Benarao, 24, ulitawo, nagpuyo sa Brgy. San Isidro sa samang dakbayan.
Sa inisyal nga imbestigasyon sa kapulisan nasayran nga samtang si Geraldez nagdispatser sa mga taxi ilawom sa flyover sa maong dapit, si Benarao paspas nga nagkalaw ug kalit lang nitigbas kang Geraldez.
Si Geraldez nga naigo sa wala nga papangig nakadagan pa unta, apan natumba sa unahan ug gitiwasan pa og tigbas ni Benarao. Jude Suhot