NIHATAG og update ang buhatan sa Provincial Agriculture Office atol sa kwarter nga press briefing nga gitambongan sa SunStar SuperBalita.
Gibutyag ni Linda Tecson, assistant provincial agriculture officer, nga dako kaayo og impak ang farmers’ market sa panginabuhian sa mga mag-uuma sa Misamis Oriental.
Dili mominos sa P200,000 ang gakitaon sa farmers’ market matag adlaw’ng Biyernes sa hawanan sa kapitolyo diin 32 na ka mga exhibitors matag semanang ang ga display sa ilang mga nagkadaiyang baligya.
Nagkadaiyang abot sa mga mag-uuma gikan sa prutas, gulay ug mga mga processed foods nga gama sa Misamisnons.
Matud niini nga sulod sa tulo ka bulan gikan sa Abril, Mayo ngadto sa bulan sa Hunyo mokabat sa P3,145,513 ang kita sa Farmers’ market.
Sa bulan sa Abril, moabot sa P981,146; sa Mayo mokabat sa P1,070.609 ug bulan sa Hunyo moabot sa P1,093 758. (SVB)