Anak sa kanhi congressman gikasohan

KALAPASAN sa Republic Act 9165 kon Dangerous Drugs Act ang gisang-at nga kaso batok sa anak sa kanhi kongresista nga nadakpan nga nagpayuhot sa ginadili nga druga niadtong gabii sa Agusto 11, 2018 sa Isabel Village, Palao, siyudad sa Iligan.

Mga 6:30 sa gabii nagpahigayon og drug bust ang tinugyanan sa Philippine Drug Enforcement sa Amihanang bahin sa Mindanao ubos sa pangulo ni Director Wilkins Villanueva.

Giila ni Villanueva ang suspek nga mao si Erik Andrada Badelles alyas Bojie, 39, ug higala niining si John Anthony Javier Picardal, 38, pulos mga residente sa dapit.

Napalit ug nakumpiska atol sa operasyon ang unom ka mga pakete sa gituohang shabu nga adunay gibana-banang gibug-aton nga 6.0 gramo nga mobalor og P40,000.

Nakuha sab ang drug bust money nga mobalor og P1,000 lakip iyang motorsiklo nga gisakyan niini atol sa pinalitay.

Nasayran nga ang dinakpan anak sa kanhi congressman sa unang distrito sa Lanao del Norte nga si Alipio Badelles.

Gibutyag sab ni Villanueva nga tuig 2014 nadakpan dinhi sa siyudad sa Cagayan de Oro si Badelles apan nakagawas tungod sa mga teknikal nga rason apan gibalikan niini ang iyang kalambigitan ug taud-taud sab nga gi-monitor.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph