DUL-AN P3 milyones ang gipagawas nga pundo sa dakbayan sa Cagayan de Oro alang sa Higalaay Festival 2018 alang sa nagkadaiyang kalihokan.
Matud ni Eileen San Juan, chair sa Higalaay Festival, nga gamay lamang kini nga kantidad itandi sa gitagana sa laing mga dakbayan panahon sa mga festivals tungod na usab sa mga partner sa mga event organizer.
“It’s not the city that's funding all the activities. Like atong Miss Cagayan a partnership with Mags, ang Kumbira is with Cohara, different partners so the City would probably be spending about P2-3 million for all the activities,” pahayag ni San Juan.
Gidugang pa niini nga hapsay ang tanang mga presentasiyon ug organisado ang ilang mga kalihokan ilabi na ang Miss Cagayan de Oro 2018 Coronation night karong umaabot nga Agusto 25, 2018 sa gabii.
Gipaniguro usab ang seguridad sa matag kalihokan diin hugot ang ilang koordinasiyon sa kapolisan, event organizer ug labaw sa tanan sa kumonidad.
Kagahapon gisugdan na usab ang unang adlaw sa Kumbira 2018.