ILUSAD sa City Health Office (CHO) ang Sundown clinic kini aron ma-akomodar ang mga duna’y sakit sama sa Tuberculosis (TB) lakip na HIV/Aids nga maulaw magpasusi panahon sa kabuntagon.
Matud ni City Health officer Dra. Fe Bongcas nga ang Sundown clinic alang sa mga pasyente nga maulaw nga mahibaw-an nga duna silay sakit ug ang mga dili maka pa check-up sa buntag tungod sa trabaho.
“Katong uban nga maulaw mahibaw-an, stigma bitaw ana mao ng right time nga nag open gyud mi anang sundown clinic ug katong mga nag office, after office hours lang sila makahigayon pwedi sila moanha sa amo,” pahayag ni Bongcas.
Dako kining tabang alang na sa mga pasyente nga nagduda nga nagbaton sa susama nga sakit aron nga kini maatiman gyud dayon ug mahatagan sa tukmang medikasiyon.
Gidugang pa nga magsugod kini alas 4:00 hangtod na sa alas 9:00 sa gabii gikan sa adlaw nga Lunes hangtod na sa Biyernes diha sa buhatan sa City health.
Ang Sundown clinic ipahigayon karong umaabot nga Agusto 23 ning tuig 2018.