MIBUTYAG ang punong barangay sa Mambuaya nga ila ra usab nga ipamalit og dugang nga toilet bowl ug mga semento ang ilang nakuha nga kadaogan sa zero open defecation.
Nakadawat og P50 mil ang Barangay Mambuaya human nga zero open defecation na ang ilang Barangay pasabot nga aduna na’y mga pansayan ang mga kabalayan ug wala na’y gapagawas sa hugaw bisan asa.
Gibutyag ni Kapitan Fernando Daug sa Mambuaya nga ila gyud nga gipanghingusgan nga mamahimong magbaton ang tanang panimalay og mga pansayan gumikan kay dako kaayo kining tabang nga malayo sa mga sakit ang katawahan.
Giingong gitabangan sa Barangay ang matag balay nga naglisod pagpalit og toilet bowl.
Gidugang pa nga aduna gyu’y balaod sa Barangay diin matag purok, Barangay Health Worker ug zone leader kinahanglan nga mag inspeksiyon sa matag balay diin ang masakpan nga walay pansayan mag multa og P300.
Gibutyag usab ni City Health Officer Dra. Rachel Daba Dilla nga sa dihang gisuso sa ilang sanitary inspectors ang mga panimalay sa Barangay Mambuaya ilang nakita nga aduna kini’y mga pansayanan ug uban sila ila mga barong-barong.
Nasayran nga atol sa Barangay Councils 1st Health summit gihatag sa syudad ug City Health Office ang P50 mil nga pasidungog alang sa Barangay Mambuaya samtang gisundan kini sa Barangay 7 nga nakadawat usab og P25 mil ug ang Barangay 1 og P15 mil.