ANG mga reporter nga mi-cover niadtong sa pag-testing sa kahimanan alang sa automation sa eleksyon karong Mayo, nangumedya nga kon ingon niadto ang mahitabo sa adlaw sa piniliay way thrill o di kulba-hinam ang coverage sa eleksyon.

Boring daw kay ang proseso dali ra kaayo di parehas sa naandan og kinaraan nga paagi sa eleksyon nga daghan pa kaayong agi-an nga labad sa ulo mao nga mas exciting ang coverage ilabi na sa radyo og telebisyon.

VOTE BUYING

Click here for stories and updates on the Sinulog 2010 Festival.

Dunay nangutana kon makalusot pa ba gihapon ang pagpamalit sa botos sa bag-ong paagi. Nganong dili. Samtang duna pay mamaligya og boto duna pa gihapoy mamalit. Gani sa akong nasayran nga mas mahal ang palit karon. Kon dunay tagsa ka libo ka pisos kaniadto, ang uwahi nakong nasayran duna nay nangandam nga mamalit og tag dos mil. Mas momahal kon tibuok pamilya.

Unsa na ni? Bitaw, way imposible kon maghisgot ta og eleksyon dinhi sa Pilipinas. Ang pangutana kon unsaon sa namalit og boto pagkahibalo nga ang gibotaran mao gyud ang gibayran nga kandidato. Ang buhaton sa kandidato mao ang pag-ihap pila ang iyang nabayran sa usa ka presinto. Sa ato pa kon di molutaw ang maong gidaghanon, biktima siya sa kopras.

NAHAGSA

Didto ko sa Mactan Airbase gahapon og nakurat ko sa akong nadiskubrehan labot sa Nomad nga nahagsa didto sa Cotabato.

Ang maong NOMAD nga dunay body number 18, mao diay ang abyon nga akong gisakyan pito na ka tuig ang nakalabay. Nahitabo ni sa usa ka seremonyas diha gihapon sa air base niadtong 2003.

Kini man gud nga abyon gipanindotan, gikondisyon, gipintalan og gipalupad og balik. Usa ko sa nakatambong. Sa wa pa ang pagpasidlit sa Champagne gipasakay ko kuyog sa akong cameraman ug nanglupad mi. Taudtaod balik sa hangar og diretso na sa seremonyas. Karon naguhayguhay ang NOMAD nga akong gisakyan.

DAYON GYUD

Mga agaw nako nga sakop sa Nadela Clan, salamat sa inyong kooperasyon nadayon gyud ang gihandom nato nga free medical, dental ug pag donate og dugo sa Liburon, Carcar City. Pasensya lang mo kong medyo apiki og gamay ang atong preparasyon.

Apan mao pa man ni una, mao nga mangayo lang ta og despensa sa Bantay Bata , Sagip Kapamilya ug RBCC nga maoy atong mga partners.