ANG magpares nga sila Faith Liban ug Stephanie Yap ug Gerome Ochia ug Bansuan midomina sa women's ug men's executive sa maong han-ay sa 1st DDMH Smashers Kadayawan Cup 2018 niadtong Agosto 10-12 nga gihimo sa duha ka venue nga Smash and Drop Bankerohan ug Wheels and More Bajada ning siyudad.
Gipildi nila ni Liban ug Yap sila si Mercy Pasumbal ug Tina Baluran aron mabutang sa ikaduhang puwesto samtang ikatulo sila si Janet Gempesaw ug Mae Ochea.
Sa lalaki, ang nabutang sa duha ka sunod nga puwesto mao sila Teody Bautista ug Lonking ug laing pares nga sila Cocoy Honey Gallardo ug Lumpay Buencamino.
Ang laing midaug mao sila Joy Justo ug Lonking sa mixed executive, Andire Cabacungan ug Kinch sa Under 19, Mae Colmenares ug Pomer sa women's supermixed, Estong Antolin ug ER Eetimo sa men's supermixed ug Ien Saladaga ug Ace Faralla sa supermixed mixed.
Ang mga midaug nakadawat og tropeyo ug medalya sa torneyo nga gi-organisa ubos ni Tournament Coordinator Donald Donor nga gisuportahan sa lokal panggobyerno sa Davao sa Sports Development Division Office. (Marizz R. Perez)