USA ka dakong oportunidad alang sa mga sakop sa media nga maimbitahan sa media tour nga giorganisa sa Misamis Oriental Provincial Tourism Department ubos sa pagpangulo ni Atty. Jeff Saclot.
Matud ni Saclot nga dako kaayo og papel ang media aron ipaila kon unsa ang mga nakatagong kaanyag ug katsada sulod sa Misamis Oriental labina gyod kon hisgotan ang turismo.
Dugang niini nga dili mahulagway ang usa ka destinasyon o tourist spot kon wala kini makita sa mga media ug naekpersyensa.
Lakip sa iyang gipanganlan nga matagamtaman sa sakop sa prensa ang makita sa akto ang mga falls sa probinsya, prudoksyon sa bibingka, buko pie ug uban pa lakip na ang Laguindingan silk.
Bout usab niining mabisitahan ang mga pilgrimage destination sa probinsya lakip ang mga patsadang beaches ug uban pa.
Ang media tour sugdan karong adlawa matapos ugma.