NADAKPAN ang usa ka lalaki nga maoy suspetsado sa pagpangawat og mga alahas ug ubang gamit sa konsehal sa Cagayan de Oro.
Niadtong Martes, nasikop pinaagi sa warrant of arrest si Rey Socongan ug didto kini nadakpan sa lungsod sa Talakag, Bukidnon pinaagi sa Crimes Against Person and Property Desk (CAPPD) sa Cagayan de Oro City Police Office ubos sa pagpangulo ni Police Senior Inspector Arnold Formento.
Matud ni Formento nga niadtong miaging semana nigawas ang warrant gikan sa korte ug subay sa ilang gipahigayon nga monitoring nagtambay ang suspek sa lungsod sa Talakag.
Biktima ni Socongan mao si Cagayan de Oro Councilor Reuben Daba niadtong bulan sa Abril diin nakuha ang ilang mga alahas, laptop ug uban pa.
Matud ni Daba nga malaumon siyang mauli pa ang iyang mga gamit tungod kay bilihon kaayo ug dili mabayran sa kantidad human kabilin kini sa iyang mga ginikanan.
Detinado na sa Maharlika Detention Cell ang dinakpan karong panahona kinsa adunay girekomendar nga P80,000 alang sa temporary niining kagawasan.