Unang health summit gisuportahan sa mga kapitan

MAPASALAMATON ang tinugyanan sa dakbayan lakip na usab ang presidente sa Liga ng mga Barangay atol sa unang health summit sa mga Barangay Council sa dakbayan sa Cagayan de Oro.

Gibutyag ni ABC President Yan Lam Lim nga mapasalamaton kini sa lokal nga panggamhanan sa dakbayan ubos ni Mayor Oscar Moreno ug sa Department of Health (DOH) ug sa City Health Office (CHO) sa pagpahigayon sa 1st Health Summit.

Matud ni Lim nga pinaagi niini nga summit magiyahan ang matag Barangay aron nga matabangan ang ilang mga residente sa angayan nga buhaton ilabi na sa panglawas.

“Ang mga kapitan 100 porsiyento nagpasalamat gyud ta nga full support gyud sila sa, about health summit, sa Kagawad I cannot count it, at least siguro 90 porsiyento,” pahayag ni Lim.

Nagpasalamat usab ang mga Barangay Kapitan sa lokal nga kagamhanan tungod kay walay gipili ang mga serbisyo sa siyudad.

Nasayran nga lakip usab si Moreno ang mitambong sa maong summit.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph