ANG Davao Occidental Cocolife Tigers mipalambo sa ilang standing sa 3-3 human gidemolis ang Cebu City Sharks, 71-64, sa pagbalik sa 2018 Maharlika Pilipinas Basketball League (MPBL) Datu Cup sa Strike Gymnasium sa Bacoor City niadtong Martes gabii, Agosto 14.
Milabay si Billy Robles og 14 puntos samtang si Bonbon Custodio ug Leo Najorda miambag og parehong 13 puntos aron molamang og opensa alang sa Don Dulay-coached Tigers.
Samtang si Patrick Jan Cabahug miiskor alang sa Cebu diin dunay 5-1 win-loss card samtang midugang si John Michael Abad og 13.
Si Tigers assistant coach Arvin Bonleon, sa Facebook interbyu miingon, “Nag-adjust lang kami sa rotation. Nagsabay kami nang tatlong bigs like (Jay) Cabañog, Najorda and (Mark) Yee para ma control namin yung boards at makakuha kami nang mga mismatch kapag mag man to man sila.”
Ang tim di na makapahulay tungod moduwa sila sa 2-3 Pampanga Lanterns sa Agosto 25.
Matud ni Bonleon nga ang Pampanga usa ka kusog nga tim apan magpabilin sila sa “man to man defense.”
“Medyo malalim naman ang bench namin then markman namin yung (Michael) Juico nang pampanga kasi number one scoring nang MPBL yun. Offensively, kailangan naming ma-break ang zone defense kapag mag zone sila. Kapag mag man to man naman sila marami kaming advantage sa mga mismatches sa lahat nang position,” sulti sa Dabawenyo coach.
Ang Tigers mouli aron mag-host sa Valenzuela CDO Idol Cheesdog karong Agosto 30 didto sa University of Southeastern Philippines Gym sa Davao City.