MAWAB, ComVal Province -- Tulo ka mga nagpailang miyembro sa New People's Army (NPA) ang boluntaryong mitahan sa ilang kaugalingon ngadto sa kasundalohan.
Base sa impormasyon nga gipaguwa sa Public Affairs Office sa 10th Infantry (Agila) Division, Philippine Army nga alas 8 sa buntag niadtong Biyernes, midangat sa ilang han-ay ang tulo ka mga nagpailang miyembro sa NPA.
Mitahan sa militar si Cristian Mampawa isip alyas Arnel, 23, nagpuyo sa Special Barangay Manasa, Mabini, Compostela Valley kinsa nagpailang squad leader, 2nd Squad, Guerilla Front 2 ug Jonnel Yano isip alyas Bobong, 32, nagpailang board of director sa grupo sa mga mamumuo, nagpuyo sa Bagong Sugbo, Barangay Kingking, Pantukan, Compostela Valley.
Lakip sa mitahan si Mark Dave Embalsado, 22, nagpuyo sa Purok 4, Sityo Kadena, Barangay Tagdangua, Pantukan kinsa giingong mass supporter ubos sa BAGER 1, Guerilla Front 2, Sub-Regional Committee, Southern Mindanao Regional Command.
Gidason sa kasundalohan nga walay armas nga gitahan ang mga kanhi rebelde.
Gihangop sab sa kasundalohan ang pagbalik sa mga kanhi rebelde sa sabakan sa gobyerno.
Ipaubos sa Enhance Comprehensive Local Integration Program ang mga rebel returnees. (Rockyben S. Catisay)