LALAKENG nakit-an sa usa ka miyembro sa City Environment and Natural Resources Office (Cenro) nga nagputol og kahoy gisikop.
Usa ka Molave o mas na-ilhan nga Tugas nga gibana-banang 20 na ka tuig ang giaksyon og putol sa Barangay Gun-ob, dakbayan sa Lapu-Lapu.
Mato sa taga Cenro nga kini usa ka Premium Specie hinungdan nga kini bawal putlon.
Nakit-an kini sa usa ka miyembro sa Cenro ug gipahunong ang nagputol niini, dali kining nipahibalo sa ilang opisina aron kini maaksyonan.
Gibana-banang 90 porsyento na ang pagputol sa punuan maong ang kagamahan sa DENR nakadesisyon nga kini putlon lang sa dayon kay kini dilikado na nga matumba.
“After pag-abot nako diri, I called Cenro as well as si Forester Lapinid maoy incharge sa office namo sa DENR. Miingon sila nga considering nga it already causes hazard kay giputol naman sugod sa ubos so ang foundation niya is loosen na kinahanglan putlon nalang atleast walay mahitabo,” Joveliot Colot, Forest Ranger DENR.
Si Gimeniano Godinez nagkanayon nga wala mo kuha og permit sa pagputol sa punuan ang tag-iya niini. Dugang pa niya nga wala pud sila magkuha og fencing permit sa maong luna.
Ang nakit-an nga nagputol sa punuan sa Togas nga si Romeo Cañedo nga nagpuyo ra pud sa maong dapit nangayo og pasaylo sa iyang nabuhat. Matud pa niya nga sa dihang gipangutana siya kun aduna ba siya’y permit sa pagputol sa maong punuan wala siya kahibalo tungod siya gisugo ug gisuhulan lamang og P1,500 sa pagputol niini.
Wala pud siya makahibalo nga gidili ang pagputol niini, matod niya.
Matod ni Cañedo nga andam siya nga mo-witness kun kinahanglanon.
Illegal cutting of Premium Specie ang nalapas nga balaod sa PD 705 Forestry Code ug adunay walo hangtod 12 ka tuig nga penalty ubos sa Article 310 sa Revised Penal Code.
Base sa pasiuanang imbestigasyon sa Cenro nga ang yuta nga nabutanagan sa maong punuan planong himoan og “car wash shop” sa nakapalit niini.
Sa pagkakaron anaa pa sa Police Station 3 sa Lapu-Lapu si Cañedo samtang nahulat sa progreso sa imbestigasyon. Ma. Devorah Taneo ug Reyna Mae Fatima Lopez USJ-R Interns