TINUN-AN sa Velez College sa dakbayan sa Sugbo ang nag-top 1 sa labing uwahi nga resulta sa Occupational Therapist Licensure Examination.
Samtang laing lima ang nasulod usab sa Occupational Therapists Top 10 ug usa nga tinun-an nga nigradwar sa Sugbo ang nasulod sa top 10 sa Physical Therapist Licensure Exam results.
Si Jacette Ortiz Gucor kinsa gradwar sa Velez Collega mao ang top 1 sa Occupational Therapist Licensure Exam results diin nakakuha kini og grado nga 83.60%.
Lakip nga nigradwar sa Velez College ang top 6 nga si Loumaryden Torres Ballesta sa grado nga 82.40%; Nathaniel Gideon Tan isip top 8 sa grado nga 82%; Elizabeth Ann Tan sa top 9 sa grado nga 81.80%; ug Tiffany Nicole Jao isip top 10 sa grado nga 81.60%. HBL