WA dangti og pipila lang ka adlaw, gihikay na karon sa kongreso ang unang lakang sa tinguha ni Barangay Ginebra import Justine Brownlee nga mamahimo siyang Filipino citizen.
Sa niaging semana, sa ilang selebrasyon human malangkat sa Ginebra ang ilang ikatulong kampiyonato ubos ni coach Tim Cone, si Brownlee bokal kaayong mihangyo sa mga kadagkuan sa San Miguel Corporation (SMC) nga unta matabangan siya nga mamahimong naturalized-citizen sa nasod.
Wa usab isalikway nga kon kini mahinayon, hayan mahimo na unyang makaduwa si Brownlee sa Philippine team.
Ang Party List representative nga si Mikee Romero kinsa sakop usab sa PBA Board maoy usa sa mga nangamahan sa pag-naturalized sa citizenship ni Brownlee, ang three-time Ginebra import champion.
Siya mao gihapon ang kuhaon sa Ginebra nga import sa umaabot nga Governor’s Cup. JBM