ANG Presidential Ati-smuggling Group (PASG) uban sa Department of Trade and Industry (DTI) maglusad og standards inspection sa mga electical products sa
tanang establisemyento dinhi sa siyudad sa Davao.
Kini ang pamahayag ni Col. Dodong Obsioma, city director sa PASG, dihang gihinabi sa mga tigbalita kagahapon sa udto didto sa Chimes nga nahimutang sa dalang Sales, ning siyudad.
Ang Chimes maoy usa sa mga patigayon dinhi sa siyudad nga gisusi kagahapon sa PASG ug DTI aron masiguro nga dili mga sub-standards ang mga ilang baligya nga electrical supplies.
"We are here to inspect all electrical products in order to ensure that all products are not sub-standards," matud ni Obsioma.
Si Obsioma maoy nangulo sa gihimong inspection og ilang nasuta nga walay bisan usa ka produkto nga sub-standard.
"During the conduct of our inspection, we found nothing sub-standard products," dason ni Obsioma.
Si Redentor Bitanga sa DTI nagbutyag sab nga ang pagsusi sa tanang produkto kabahin sa ilang trabaho aron maseguro nga dili sub-standard ang mga produkto nga mapalit sa mga konsumedor.
Ang maong maong opisyal nagsulti nga kung mapamatud-an nila nga dunay mga sub-standards nga produkto ang usa ka patigayon mamahimong pasakaan sila og kaso.
"Kapag hindi maayos ang mga markings at mapatunayan nga sub-standard ang kanilang produkto pwede silang sampahan ng kasong administratibo," pasabot ni Bitanga. (AD)