SHABU. Gitawag og crystal meth. Usa ka drug methamphetamine nga gisugolan og caffeine ug ubang isog nga kemikals. Gigamit sa Japan, Hongkong, Malaysia, Indonesia ug Pilipinas. United Nations Report nga labing gigamit sa Pilipinas sulod na sa pipila ka dekada kay dinhi ang dakog produksyon uban sa Burma ug China. Nagtubo nga problema sa nasod kay 10 porsento sa populasyon naggumon. Gi-import sa kanasoran sa Asya lakip na sa Japan, China ug Korea. I-export sab sa laing nasod. Ang methamphetamine namugna sa 1893 sa Japanese Scientist Nagayoshi Nagai nga gigamit sa mga sundalo sa ikaduhang gubat sa kalibotan aron lagsik sa panggubatan.
Zombie. Gikan sa Mexico ug US. Gitawag usab og Flakka nga galabi sa sagol ang Cathinones o bath salts. Isagol sa ilimnong makahubog nga mahimong bayolente samag zombie ug magkurog-kurog ang kalawasan.
Ecstacy. Usa ka party drugs. Gikan gihapon sa Mexico ug US. Unang gigama sa usa ka pharphaceutical alang sa maayong katuyoan. Apan gisundog, giusab ug gituyo sa paggama nga susama gihapon og pills, tablets o capsule nga gisagolan na og shabu, viagra ug ubang kemikals. Isagol sa ilimnong makahubog.
Cocaine. Ginama sa gipino nga coca leaves gikan sa tanom. Gisagolan og lain-lain kemikals nga makadaot na hinoon sa panglawas.
Nubain. Usa ka drug nga nalbuphine hydrochloride nga kon masobraan maghatod sa kakuyaw ug mamatay. I-inject niadtong mga naulipon sa drugas.
Marijuana. Usa ka tanom nga ginting-ginting ang dahon. Manurok ra ni sa umahan bisan wala itanom. Nadiskobrihan nga maoy gitanom sa hardin sa kabukiran kay lagi giingong tambal sa sakit. Himoong powder ang dahon nga imnon kay tambal sa sakit. Ang uban iunod sa tabako. Apan kon malabian peligro sa panglawas. Dunay lakang nga himoong legal. Nag-ong-ong sa kongreso ang balaodnon, Legalizing and Regulating the Medical Use of Marijuana.
Hugot nga pakigbatok sa drugas gipatuman sa administrasyon karon kay daghang napukan nga kaugmaon. Milausag ang kriminalidad. Apan unsaon pagsulbad nga sa panahon ni BOC Commissioner Nicanor Faeldon dihay 6.4B pesos shabu gikan sa China. Laing 6.8B pesos gikan sa Taiwan giputos og magnetic lifters ubos ni BOC Isidro Lapeña. DOJ mimando sa NBI pag-inbestigar. Naglisod pagluad sa punoan mga sanga ray napul-ongan. (csa_1156@yahoo.com/09494164708)