DEAR Tita Heart,
Maayo’ng adlaw kanimo Tita Heart. Suki ko sa imong mga tambag. Ako si Mariz, nagpuyo dinhi sa Villanueva, MisOr. Akong problema tita bahin ani akong bana tita nga dili mointrigo sa iyang sweldo nako. Tita, unsaon nako gusto ko ako ang mag-budget pero siya maoy gapalit sa among mga panginahanglan. Nabutang nga wala koy pulos nga asawa. Unsa akong buhaton? Palihog tambagi ko.
Mariz
*****
Hello Mariz,
Siguro naay reason nganong dili iintrigo sa imong bana iyang sweldo. Dili kaha ka gastador? Bitaw naa man gud pod uban asawa nga imbes ang mga importante ang paliton lahi ang gipamalit labina gyod kung igo-igo ra ang kwarta.
Kinahanglan gayud pod ninyo kana storyahan ug pangayoi og rason nganong dili siya mointriga kanimo. Ikaw asawa aduna gayud sab dako og katungod nga maghupot sa iyang kinitaan aron dili ka bation susama sa imong giingon nga nawad-an naka og pulos.