GITUMBA sa Gitagum Spikers ang Laguindingan Heights sa nagapadayon nga Kuyamis Sports fest 2018-2019 sa score nga 65-63, nga gipahigayon sa Barangay Burnay, Gitagum, Misamis Oriental, Agosto 4, 2018.
Nanguna sa Spikers si Asi Manosa nga mibubo sa 16 puntos ug duha ka rebound, kaabag si Mark Clarabal nga mitala ug 11 puntos aron makuha ang nipis nga margin sa kadaugan batok Heights.
Gigamit sa spikers ang ilang home court advantage ug abunda nga opensa sa close-game fight nga nagdala sa kadaugan Gitagum Spikers aron maka sulod sa quarter finals berth karong Enero 2019 atol kasaulogan sa Kuyamis Festival.