Proyekto sa DPWH target nga matapos sa 2022

GITAKDANG matapos ang mga proyekto sa siyudad sa Department of Public Works and Higways (DPWH) sa tuig 2022 base na usab sa master plan.

Gibutyag ni Engr. Leowald Pecore, project engineer sa dakbayan ug sa Misamis Oriental, nga gi-agad gihapon niini nga mahatag na ang budget P1.84 bilyones.

Gidugang pa niini nga karong mga panahona anaa pa sa 37 porsyento sa budget ang na-release diin anaa lamang sa P680 milyones gumikan kay dili man kini tibuok nga ihatag ngadto kanila.

Gipasabot usab ni Vinah Jeanne Maghinay, information officer II sa DPWH-Northern Mindanao, nga pipila sa mga rason sa pagkalangan sa mga proyekto ilabi na sa kanal mao ang budget nga nag-agad lamang sa gigahin nga pundo nga itunol ngadto sa DPWH kini usab tungod sa ubay-ubay nga proyekto karong panahona nga gitawag og multi-year funded project.

“Atong pasiguon kung asa lang nga distansiya nga masigo-an ang atong kwarta then for the next nga budget release mao na pud dayon siya nga section nga atong trabahuon,” pahayag ni Maghinay.

Lakip na usab sa hinungdan sa pagkalangan sa mga proyekto sa DPWH mao ang underground facilities, mga informal settlers nga nagpuyo sa mga may creek, right of way, dagan sa trapiko og uban pa.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph