WALA na’y namatay nga mga batan-on nga bata pa magmabdos ug manganak tungod kay gihimong adolescent-friendly ang health center sa dakbayan sa Cagayan de Oro.
Gibutyag ni Dra. Rachel Daba Dilla, city health officer, nga ang ilang gihimo sa mga health center karon panahon ilahi ang adlaw sa pag-prenatal sa mga batan-ong mabdos.
Kini human namatikdan nga dunay mga batan-ong mabdos nga motago kay maulaw moadto sa health center.
“Amo silang gi-separate from regular prenatal so lain ang ilang adlaw kay kung mag usa sila basin mag uban ang mama ug anak magpa prenatal, ulaw biya,” dugang niini.
Anaa sa 30 porsyento ang natalang batan-on nga nanganak nga namatay niadtong mga tuig sa 2012 gumikan kay maulaw kini pagbisita sa mga health center aron nga masusi ug maatiman ang ilang pagsabak.