KUNG hisgotan ang plantasyon sa kasagingan adunay ikapasiatab ang probinsya sa Misamis Oriental.
Gibutyag ni Linda Tecson, assistant provincial agriculture officer, nga ang probinsya sa Misamis Oriental kaniadto usa sa giilang numero uno nga suplayer ug nagprodyus og labing presko nga klase sa saging nga cardava sa tibouk pulo sa Mindanao apan sa pagkakaron, ikaduha na lamang sa sunod sa Lanao del Sur kon hisgotan ang volume production sa saging.
Gipasabot niini nga ang gidaghanon sa masuplay sa Misamis Oriental moabot lamang sa 15 metric ka tonelada samtang ang Lanao del Sur miabot ngadto sa 35 metric tons.
Hagit karon sa Agriculture Office sa tanan crop sector nga unsaon og pagpadako sa prudoksyon sa saging hinungdan nga ilang gihingusgan karon nga ma-operate na ang banana tissue cultured plant nga anaa karon gitukod sa lungsod sa Sugbongcogon, Misamis Oriental.