Pag-ataki sa terorista napakgang?

“WE are happy to announce na in many attempts we’re able to prevent, like the Bohol incident na-neutralize natin ang lahat ng eleven personalities, but of course this happened with the support of the people."

Mao kini ang pamahayag ni Col. Medel Aguilar, information officer sa Central Command (Centcom) nunot sa pagsikop sa 68 anyos nga si Oger Pelonio nga gituohang sakop sa Abu Sayyaf sa Barangay Ocaña, dakbayan sa Carcar sa miaging buntag nga nakuhaan og esplosibo, armas ug daghang cellular phones.

Ang Centcom magpaabot karon sa resulta sa imbestigasyon sa Criminal Investigation and Detection Group-7 ug Intelligence Service of Armed Forces of the Philippines (ISAFP).

Subling gipahibawo ni Aguilar nga luwas gihapon ang Central Visayas bisan sa pagkasikop ni Pelonio nga gidudahang sakop sa Abu Sayyaf sanglit walay nadawat nga hulga ang awtoridad.

Apan dili gihapon angayan nga mokompyansa ang publiko mahimo gihapon nga target ang Sugbo sa terorismo.

Ang Superbalita nisusi sa Ocaña ug nahinabi ang pipila ka tawo bahin kang Pelonio.

Naila kining 'Tatay' o 'Manong' sa dapit ug giingong tiggamitan og gidiling drugas.

“Dili mana siya makighalubilo sa amoa.," sumala sa usa ka drayber sa habalhabal.

Nakompirmar nga Kristiyano kini kaniadto apan nakomirter sa pagka Muslim.

“Mogawas na siya perming ga-jacket... daw armas ibutang diri,” saysay sa barangay tanod, diin suspek usab kini sa usa ka kaso sa pagpangilkil. AYB, Maria Jenesis Empasis, CIT-U Intern

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph