SECTIONS
Saturday, September 22, 2018
SUPERBALITA DAVAO

‘Pusher’ patay sa drug bust

PATAY ang usa ka gituohang drug pusher human giingong misukol sa kapulisan sa Talomo Police Station atol sa drug bust alas 9:50 sa gabii niadtong Huwebes sa Matina Gravahan, Davao City.

Ang napatay si Bryan Dumagsa Putot, alyas Bakaraw, ug nagpuyo sa Purok 1, Cavite Matina Gravahan Davao City.

Giingon ni Chief Inspector Ronald Lao, hepe sa Talomo PNP, nga napugos sila nga mi-niyutralisa sa suspek gumikan nibunlot kini'g .38 revolver.

Namatay ra sab ang suspek sa ospital ug nakuha sa iyang posisyon ang gituohang mga linikit nga pinaugang dahon sa marijuana.

Dugang ni Lao nga notadong kawatan ug tigpayuhot og ilegal nga druga ang suspetsado. (Jeepy P. Compio)


VIEW COMMENTS