Hulga sa Oro nagpabiling sa alert level 3

NAGPABILING anaa sa alert level three ang dakbayan sa Cagayan de Oro sa hulga sa terorismo.

Kini ang gibutyag ni Police Superintendent Mardy Hortillosa, tigpamaba sa Cagayan de Oro City Police Office, apan giingong dili kini angayan ikabalaka tungod kay makaya lamang kini nga level.

Daghan sab karon ang nagkatap nga mga mensahe nga dunay mga terorista nga mag-atang sa kadalanan ug mopatay og mga sibilyan.

Gibutyag ni Hortillosa nga dugay na kining mikatap apan kinahanglan gihapong magbinantayon ang katawhan.

“Dugay naman ni nag circulate. But I will still advice to the people to be extra vigilant,” matud niini.

Samtang gibutyag niini nga ning padangaton ang kapistahan sa dakbayan sa Cagayan de Oro laumang daghan kaayo mga molangyaw dinhi.

Abiso ni Hortillosa kanila nga magbinantayon lamang sa palibot. Kung adunay mga kadudahan nga mga butang i-report gayud dayon sa duol nga istasyon o mga pulis nga anaa sa palibot nakabantay.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph