SECTIONS
Saturday, September 22, 2018
SUPERBALITA CAGAYAN DE ORO

Mga NPA ‘nagpakatap og fake news’

PEKE nga mga balita ang giingong gipakatap sa tigpamaba sa New People’s Army (NPA).

Kini ang pahayag ni 2nd Lt. Tere Ingente, tigpamaba sa 4th Infantry Division-Philippine Army (4ID-PA).

Gihimakak ni Ingente ang mga pasangil sa NPA nga atol sa sunod-sunod nga engkwentro sa Impasug-ong, Bukidnon nga adunay daghang mga sundalo nga namatay ug nasamdan.

Matud ni Ingente nga dili kini tinuod kay ang mga sundalo kung mamatay adunay pamilya nga mangita ug hatagan og insaktong lubong nga masayran sa tibuok komunidad.

Apan kon ang NPA ang makabsan og kinabuhi, sayon lang kaayo’ng ihimakak nga ilang kauban ug ipatuong sibilyan.

Gipasabot niining nagpakalat og pekeng balita si Ka Malin Mabini ang tigpamaba sa NPA nga nakabasi sa Northern Mindanao.

Gibutyag niini sa usa ka sibyaan sa radyo nga ubay-ubay ka mga sundalo ang nakabsan sa kinabuhi human nangaigo sa bomba nga gilabay kanila atol sa engkwentro.


VIEW COMMENTS