DEAR Tita Heart,
Ako si Denice, nagpuyo denhi sa Cagayan de Oro. Tita magpatambag ko bahin aning akong gihambin nga problema. Kabahin ni sa akong uyab tita nga duna sab uyab lain. Gidawat nako nga duha mi kabuok bisan og duha mi kay love gayud kaayo nako. Pero tita, gakasakitan ko kay bisan sa akong atubangan mag holding hands ug maghalok sila. Unsa man akong buhaton? Tambagi ko. Salamat tita. Maghulat ko sa imong tambag.
Denice
*****
Hello Denice,
Maayo’ng adlaw kanimo. Ayaw sab intawon og sugot nga duha mo ug ingon ana nga maghalok pa sa imong atubangan. Ikaw ra ang nag love pero imong uyab wala gayud gibati nga gugma kay kon tarong pod siya nga lalaki dili siya magduha duha og uyab. Ako pa nimo imong bulagan, daghan kag makita labaw niya.
Tita Heart