ANG Salomon XTrail Run Pilipinas 2018, nga himuon karong Agosto 26, gikonsiderang pinakalisud nga dalan sa Davao region.
“We have always been bannered as the toughest trail run. And for this year we have partnered with the best trail director in Davao City, none other than Dax Ang,” suma ni Mae Sanchez sa Primer Philippines, Salomon Distributor, atol sa Habi at Kape media forum, Miyerkules sa Abreeza Mall.
Dugang ni Sanchez nga ang Salomon Run karon nga tuig mas gipatas-an ang distansiya, gikan 12 ngadto 13 kilometros, ngadto sa 16 kilometros.
Si Waan Barangay Captain Jaynor Macadawan nagsulti nga dakong dungog alang kanila nga magsilbing host sa aktibidad.
“In this way we can also promote the beauty of our barangay. We are very proud to let others see the nature side of our barangay,” ni Jaynor.
Dugang ni Macadawan nga uban sa tumong sa Salomon XTrail nga makabaton sa labing lisud nga dalan sa rehiyon, sakto nga lokasyon suma pa ang Waan.
Dugang niya nga ang bukirong parte sa barangay, pinuy-anan sa nagkadaiyang hayop, sama sa Philippine civet, dinhi sab moagi ang mga migratory birds, nga mohatag og mas nindot nga kasinatian sa mga partisipante.
Ang lumba magsugod sa alas sais sa buntag sa Davao Crocodile Park sa Ma-a, Davao City.
Ang Registration fee anaa sa P1,200, diin apil na dinhi ang Salomon technical jersey, microfiber towel, race bib, ug post-race refreshment, finisher’s medal.
Mananaug sa trail run modawat og premyong P7,000 ug gold medal.