DAGHANG nalantawan ang beterano ug bantugang basketball referee sa nasod nga si Romy Guevarra sa pool of referees sa Cebu Schools Athletic Foundation Inc. (Cesafi) nga iyang gipanghulagway nga adunay potensyal.
Kini human sa duha ka mga adlaw nga seminar nga iyang gidumala nga nahuman kagahapon sa University of San Carlos (USC) Main Gym.
“I see a lot of them with potential,” matod ni Guevarra sa interbyu sa SunStar Cebu.
“What’s important is they follow what I taught them. Because most of the time if they are in the actual game they usually don’t follow the proper mechanics. Basketball today needs a team of three referees and not three individual referees. They have to work as one and don’t try to outsmart their co-referees.”
Kapin sa 40 ka referees ug table officials ang ningsalmot sa seminar nga nagtudlo kanila sa saktong mga balaod, mechanics, positioning ug physical fitness. EKA, ESL