NAGHATAG og kabalaka sa ubang mga puwersa ang paghiabot ni Cleveland Cavaliers guard sa kampo sa Gilas Pilipinas sa basketball event sa 2018 Asian Games sa Indonesia.
Mao kini ang pagtuo sa mga lider sa basketball sa Pilipinas.
“Maski na mag-average score siya ng 10 to 15 points, malaking bagay sa atin ‘yun,” matod pa ni Philippine Basketball Association (PBA) Commissioner Willie Marcial sa interbyu sa ABS-CBN.
“At kinakatakutan din siya, kasi NBA player.”
Si Clarkson usa sa aktibong mga magduduwa sa National Basketball Association (NBA) nga gitugtan sa liga nga makaduwa sa Asian Games.
Ang laing duha mao sila si Zhou Qi ug Ding Yanyuhang sa China. Si Zhou sakop sa Houston Rockets samtang si Ding sa Dallas Mavericks.
Bisan adunay duha ka magduduwa sa NBA ang China, nagkanayon si Gilas assistant coach Jong Uichico nga magkaproblema kini sa pagdepensa kang Clarkson.
“With Jordan Clarkson there, that’s... another problem for them on defense. They will concentrate on him,” pasabot ni Uichico.
Kaduha ra man tuod nakaapil si Clarkson sa praktis sa Gilas apan matod ni national coach Yeng Guiao nga wala siya’y nakitang problema kay dali ra kining nakahangop sa iyang sestima.
Sa wala’y pagduhaduha, matod ni Guiao nga si Clarkson maoy mahimong lider sa Gilas Pilipinas.
“He’s going to be playing the guard position,” asoy ni Guiao.
“He’s going to handle the ball and create and attack the defense, and try to free up his teammates. Or, if he’s open himself, then of course he will take the shot and he has the ability to score.”
Sa pag-abot ni Clarkson, mogaan ang tahas sa uban niyang mga magduduwa gumikan kay seguradong motutok ngadto sa 26 anyos ang depensa sa ilang mga kontra.
Sa premiro nilang tahas, gipangmakmak sa Gilas ang Kazahkztan sa Group D.
Karong Agusto 21, ikaharong sa Gilas ang labing inilog nga China. ESL