NAMATAY ang usa ka dispatser human gisumbag ug dihang natumba, naligsan sa trak ug ulo napisat kagahapon sa hapon sa Barangay Poblacion 1, Carcar City kagahapon sa hapon.
Ang biktima giila nga si Almario Igloria, 42, taga Caipilan, Poblacion 1, Carcar City.
Base sa imbestigasyon sa Carcar City Police nga gisumbag si Igloria sa usa ka Ramil Quijano, sa naasoy nga dapit duol sa sikat nga rotonda sa Carcar.
Dihang natumba, siya nalatayan sa truck nga niagi sa dapit hinungdan nga napisat ang ulo ug diha-diha namatay.
Ang driver sa dump truck nga paingon sa habagatang Sugbo nga si Remoroso Arangco, 52, gi-detain sa kapulisan. HBL