MOABOT ngadto sa 13 ka mga tawo ang nasikop human gi-raid sa kapulisan ang usa ka giingong drug den sa may Sitio San Jose, Barangay Dumlog, dakbayan sa Talisay niadtong Biyernes sa hapon.
Ang hiniusang drug buy bust operation gihimo sa kapulisan sa Talisay pinanguluhan ni Superintendent Marlu Palomaria Conag ug sa Philippine Drug Enforcement Agency (PDEA-7), nga miresulta sa pagkasikop sa nag bantay sa giingong balay suyopanan nga sila si Geffrey Patricio Sonsona, 37 ug Rejoy Fernandez Sembrano, 18.
Nasikop usab sa kapulisan atol sa raid sila si Jeffrey Pioco Baguio,22; Jessie Sembrano Enario,35; Jacqueline Pelemer,29; Elmer Gucela Magbanua,34; Dennis Ramas De Gracia,50; Jeanneth Del Rosario Cauba,29; Reymond Vellarta Besin, 26; Kevin Laspuña Basellote,24; Gilbert Baclay Fernandez,48; Jiorani Cuvasion Baron,28; ug Jeffrey Gulde Silmeros,29.
Nakuha gikan sa mga suspek ang shabu nga motimbang og 11.35 ka gramos nga mokantidad og P139,249, tinfoil, lighter, cellphone ug mga drug parapernalia.
Kasamtangang gibalhug na sa Talisay City lock-up facilities ang mga suspek.
Kalapasan sa section 5,6,711,12 sa Republic Act 9162 ang isang-at nga kaso batok kanila.
Samtang sa Brgy.Tanke, moabot na ngadto sa 64 ka mga tawo ang nasikop sa Regional Mobile Force Battalion (RMFB-7) sukad sila gibutang sa maong dapit niadtong unang semana sa Agusto.
Gibutyag ni Conag nga naghuot na ang mga piniriso sa ilang substation sa Talisay City Hall tungod sa kadaghan na nilag dinakpan. Jude Suhot