PAHASUBO sa pamilya. Paggukbo kang SPO1 Roderick Balili, pulis nga namatay human giingong naunay sa armas sa iyang kauban samtang dunay ‘misyon’ sa lungsod sa Pinamungajan, kinsa gihatod na sa iyang kapahuwayang dayon sa public cemetery sa Barangay Pardo, dakbayan sa Sugbo kagahapon sa buntag.
Ang kamatayon ni SPO1 Balii naatol sa pagbanhig-patay sa Philippine Drug Enforcement Agency PDEA 7 Agent Von Rian Tecson sa Barangay Perrelos, dakbayan sa Carcar hinungdan sa pagduda nga nalambigit siya sa maong kaso. Ang maong kuwestiyon maapil kaha sa paglubong sa kalimot?
Hinuon, ang hingpit ug pinal nga paghukom iya kahitas-an.
Si Fr. Gerardo dela Victoria maoy nangulo sa santos nga misa atol sa lubong kagahapon nga gitambongan sa daghang tawo timaan sa iyang pagkamaayo nga molupyo.
Gawas sa pamilya ni Balili. nitambong usab ang mga higala, paryente, ug mga kauban sa Philippine National Police (PNP) ug sa Police Regional Office (PRO) 7.
Gihatagan og police honors si Balili diin sa wala pa kini hingpit nga gilubong gihimo ang 21 gun salute dayon ang bandila nga naa sa lungon niini gitugyan sa iyang kapikas sa kinabuhi.
Emosyunal ang mga tawo nga nihatod sa lubong ni Balili hilabi na ang pamilya ingon man ang iyang asawa kinsa wala makapugong sa paghilak og maayo dihang gidawat ang bandila sa sa nasod isip timaan sa maayong pagserbisyo ni Balili sa han-ay sa kapulisan.
Si Sr. Supt. Ronald Oliver Lee, pangulo sa directorial staff sa PRO 7 kinsa nirepsentar sa direktor sa PRO 7, nipasalig nga ang PRO 7 mohatag sa tanang benepisyo sa kagamhanan namatay nga pulis ngadto sa pamilya niinii.
Mipahuway na ni SPO1 Balili sa laing kalibotan apan, tataw nga magpabiling buhi ang kontrobersbersya ning mas gipaigting nga gubat sa gidiling drugas.