Dear Papa Joe,
Ako diay si Roberto, 27 anyos, taga Lapu-lapu City. Pwede sab ko nimong tawgon og Ruby By Night. Usa diay ko ka mahuyang nga nagtrabaho sa usa ka parlor diri sa Mactan.
Ang akong problema mahitungod sa akong jowa nga dili na masabot ang kinaiya. Dugay na ming nag live-in ani niya, mga 5 years na siguro pero on and off kay kon makauyab siyag laing girl, mobuwag siya nako. Pero ug ma etsa-pwera na gani siya, mobalik dayon nako. Kapila nag gyud niya ni buhata, pila na ka babaye ug ako pod nga tanga, ako gihapon siyang dawaton kay lagi love nako siya. Modayon ra bag ingon nga maghikog kuno siya ko dili nako dawaton pag-usab.
Gwapohon man gud ning akong uyab, unya macho pa gyud. Dili man sab ko makaingon nga gipangwartahan lang ko kay dili man siya mangayo og kwarta nako. Ang akong kalagutan ani niya kay tapulan kaayo, magsige lang higda-higda, mag Facebook. Inig abot nako gikan sa parlor, kapoy kaayo ako pa gyud mag lung-ag, mang limpyo ug uban pa. Mangasaba pa gyud siya nako gamay lang sipyat.
Ako na siyang gibuwagan kadaghan na pero maghilak hilak dayon ug mangayog pasaylo. Love kaha ko ani niya, Papa Joe? Please lamdagi ang akong huna-huna.
ROBERTO
Dear Roberto,
Sa imong pangutana kon love kaba sa imong uyab, I don’t think so. Duna diay love nga sulod sa inyong relasyon, manguyab siyag mga babaye unya biyaan ka? Unya kon buwagan na siya sa babaye ug wala na siguro kapaingnan, mobalik nimo kay nakahibawo siyang dili ka makabalibad niya, hilak-hilakan ka lang ug hulgaon nga maghikog mobigay pod dayon ka. Pero dili tika mabasol kay siguro nahigugma ka nianang lakiha.
Ikaw ra gyud ang maka desisyon, either mo mata ka sa imong pagpakabuta or magpabilin kang magpakatanga tungod sa imong gugma.
Papa Joe
(Sa inyong mga suwat tampo, ipadala sa papajoesuperb@gmail.com)