NANUMPA ang napiling opisyal sa University of Cebu Lapu-Lapu & Mandaue sa Parents – Teachers Association (PTA) nga sakop sa Executive Board, Members of the Board ug ang matag Homeroom Officers.
Ang University legal counsel Atty. Julius Paqueo maoy nagpapanumpa sa mga bag-ong opisyal nga gipangulohan sa PTA President Vincent Joel Gagno diin nisaksi ang Basic Education Principal ug PTA adviser, Gloria Deniega.
Si Gagno sa iyang bahin mihangyo sa tanang ginikanan og suporta kay bugtong katuyoan niini mao nga aron mapalambo ang pagtuon sa mga tinun-an sa maong tunghaan.
Gawas niini, gitunol sa PTA ang mga donasyon ngadto sa kadagkuan sa UCLM ang 49 inch LED TV set, roll-up banner stands ug electric fans, lakip na ang financial support nga P10,000 ngadto sa napiling Basic Education scholar. (FVQ Homeroom PTA Vice-President Grade 9 - Gold 1)