AMERICAN singer Nick Jonas opisyal nga mi-anunsiyo atol sa gihimong traditional ceremony didto sa Mumbai, India, ang yutang natawhan sa iyang pangasaw-unon nga si Priyanka Chopra nga miingon: “Future Mrs. Jonas. My heart. My love.”
Gi-post ni Nick, 25 ang ilang hulagway diha sa Instagram samtang si Chopra, 36 mi-post sa susamang photo nga adunay caption: “Taken... with all my heart and soul,” sigun sa taho sa Agence France Presse.
Sa sayo pa, gipasira ni Jonas ang Tiffany store sa New York sa miaging buwan kay namili og diamond engagement ring ang singer nga mokabat sa $275,000 (kapin sa P14M).
Gikataho nga na-engage ang duruha niadtong miaging buwan human sa duha ka buwan nilang relasyon. Wa pa nila itug-an ang gipaabot sa kadaghanan nga wedding date. (S)