NAKIG-ALAYON na ang actor nga si Daniel Matsunaga ngadto sa kapulisan human nga ang gimaneho niining sakyanan nakadumbol sa usa ka motorsiklo kagahapon sa kadlawon.
Base sa taho sa ABS-CBN News nga maayong pagkalagpot sa motorcycle rider (pangalan wa pa matino) sa dihang nadumbolan ni Matsunaga samtang nagsubay sa Commonwealth Avenue, Quezon City niadtong higayona.
Saysay sa Brazilian-Japanese actor nga gikan siya ug ang iyang igsuon nga si Gilherme sa restaurant og mopauli na sila niadtong tungora sa dihang wa siya makabantay sa motorsiklo nga kalit lang nibutho atol sa iyang pag-right turn subay na unta sa Don Antonio Street, Quezon City.
Nalabay ang driver gikan sa iyang unit ug nagreklamo nga nanakit ang tibuok niining kalawasan hinungdan nga gidali ni Daniel sa pagdala sa ospital ang biktima. (S)