5 ka motorsiklo gikarnap, nabawi

NABAWI sa kapulisan ang lima ka mga motorsiklo nga giingong gikarnap human sa ilang operasyon sa Sitio Dike, Brgy. Lagtang, dakbayan sa Talisay kagahapon sa buntag.

Usa sa mga tag-iya sa motorsiklo nga nabawi sa kapulisan mao si Steve Harvey Alinton, 20, ulitawo.

Matud sa kapulisan nga pasado alas 6 sa buntag, ang biktima niduaw sa ilang buhatan ug mipahibalo sa kapulisan nga gikawat ang iyang motorsiklo sa ilang balay sa Sito Libo, Brgy. Mohon.

Sa ilang operasyon, nakita ang motorsiklo ni Alinton ug laing upat ka motorsiklo; tulo ka units sa Honda XRM 125 ug usa ka unit sa Rusi MP-Y 110 ang nabawi ug nasikop ang mga suspek. (Jude Suhot, corespondent)