GIPOSTE sa mga boksidor sa Joeric boxing stable nga sila si Sean Abello ug Kenneth Espina ang labing impresibong kadaugan sa matag buwan nga Philippine Sports Commission (PSC) Visayas amateur boxing event kagahapon sa Cebu City Sports Center boxing gym.
Si Abello mirehistro og 1st round referee stop contest (RSC) nga kadaugan batok kang Nathaniel Alfornon sa 10,000 BC stable sa mosquitoweight division (35 kgs.) nga away. Samtang si Espina miposte sab og 1st round RSC (1:46) nga kadaugan batok kang Justine Equilla sa Rex Wakee Salud (RWS) stable sa light pinweight division (44kgs).
Mao usab sila si Kevin Sumalinog sa SEVA stable ug Manolito Esdamen sa RWS stable.
Si Sumalinog nimugna og 2nd round RSC batok kang Wildfred Dibdib (48 kgs.) samtang si Esdamen midaog batok kang Denviel Patillano sa 2nd round sa flyweight category (50 kgs).
Ningposte og unanimous decision nga kadaugan mao sila si David Mancao batok Prence Espina, Bryan Baricuatro batok Jesreel Quilaton, Daryl Balderas batok Arniel Fajardo , John Jimenez batok JM Andrejas, Tricia Marie Llamas batok Patricia Sumalinog.
Ang kompetisyon gidumala ni Amateur Boxing Alliances of the Philippines (Abap) Central Visayas head ug PSC coordinator Lorenzo “Chao” Sy. (ESL)