MASENTRO sa atraksiyon sa yutang Pilipinhon ang Olympic silver medalist nga si Hidilyn Diaz uban ni Nestor Colonia sa dihang lakip sa ipahigayon karong adlaw ang weightlifting competions sa nagpadayon nga Asian Games didto sa Indonesia, Jakarta.
Niadtong 2014 sa Incheon, South Korea, si Diaz gamay na lang og kuwang nga makalabni unta og bronze medal nga maoy nakapasagmuyo kaniya, hinungdan nga dako kining niyang hagit karon bisan pa man og naglamapuson siya sa 2016 Rio Olympics.
“Gusto ko medal, kahit anong kulay yan, basta makapaglaro ako ng Asian Games. Ito yung comeback ko, and gagawin kong lahat,” matod ni Diaz nga nakutloan sa Rappler.com
Si Colonia sa iyang bahin, ang Asian Games maoy iyang tsans nga makasaka og balik sa podium, duha ka tuig human makaangkon og angol sa iyang tuhod. (JBM)